له‌دواى نیشاندانى ئاستێكى به‌رز له‌هه‌ردوو خولى توركیا و جامى توركیا له‌وه‌رزى رِابردوو , هه‌ردوو یانه‌ى فه‌نه‌رباخچه‌ پاڵه‌وانى خولى توركیا و بێشكتاش پاڵه‌وانى جامى توركیا بۆ به‌ده‌ست هێنانى نازناوى سوپه‌رِكاپى توركیا له‌یاریگاى ( كۆڵن ) ى ئه‌ڵمانى به‌یه‌ك گه‌یشتن
له‌دواى ئه‌وه‌ى كه‌ هه‌ردوو یانه‌ یارییه‌كى به‌تام و چێژییان ئه‌نجام دا تا دوا ساته‌كانى یارییه‌كه‌ ئه‌نجامه‌كه‌ گۆڵێك بوو بۆ هه‌ردوولا پاشان پاش ته‌واو بوونى یارییه‌كه‌ به‌دوو خوله‌ك یانه‌ى فه‌نه‌رباخچه‌ توانى گۆڵى سه‌ركه‌وتن تۆمار بكات و ببێته‌ پاڵه‌وانى سوپه‌رِكاپى توركیا بۆ وه‌رزى ئه‌م ساڵ
جێگاى وه‌بیرهێنانه‌وه‌یه‌ كه‌ ئه‌م خوله‌ ئه‌وه‌ دوو ساڵه‌ ئه‌نجام ئه‌درێت , كه‌ ساڵى پار یانه‌ى بێشكتاش جامه‌كه‌ى به‌رز كرده‌وه‌ دواى ئه‌وه‌ى به‌گۆڵێكى بىَ به‌رامبه‌ر له‌یانه‌ى گه‌ڵاته‌سه‌رِاى برده‌وه‌