سه‌رۆكى كوردستان پێشوازى له‌ یانه‌ى هه‌ولێر كرد

به‌بۆنه‌ى ئه‌و ده‌ستكه‌وته‌ گه‌وره‌یه‌ى كه‌ یانه‌ى هه‌ولێر له‌خولى بژارده‌ى ئێراقدا به‌ده‌ستى هێنا رِۆژى دووشه‌مه‌ رِێكه‌وتى 9\7\2007 به‌رِێز مسعود بارزانى سه‌رۆك پێشوازى له‌ ده‌سته‌ كارگێرى و رِاهێنه‌ران و وه‌رزشوانانى یانه‌ى هه‌ولێر كرد . له‌دانیشتنێكدا سه‌رۆك بارزانى وێرِاى به‌خێرهێنانى سه‌رۆك و ده‌سته‌ى كارگێرِى و رِاهێنه‌ر و وه‌رزشوانانى یانه‌كه‌ , پیرۆزبایى ئه‌و سه‌ركه‌وتنه‌ى له‌ ئێرِاق و كوردستان و شارى هه‌ولێر كرد و خۆشحاڵى خۆیشى ده‌ربرِى كه‌ بۆ یه‌كه‌م جار له‌مێژووى یانه‌كانى كوردستاندا یانه‌ى هه‌ولێر ببێته‌ پاڵه‌وانى خولى ئێراق و ئومێدیشى خواست ئه‌و سه‌ركه‌وتنه‌ ببێته‌ پاراستنى , ووتیشى رِاسته‌ به‌و سه‌ركه‌وتنه‌ یانه‌ى هه‌ولێر مێژووییه‌كى بۆ كوردستان تۆمار كرد , به‌ڵام ئه‌ركى ئاینده‌ى یانه‌ى هه‌ولێر قوستربوو , بۆیه‌ پێویسته‌ ئه‌و ئاسته‌ به‌رزه‌ى خۆى دانه‌به‌زێنىَ و به‌رده‌وام بىَ له‌سه‌ركه‌وتنه‌كانى