ئه‌گه‌ر ویستت ناوم بنوسى له‌نێو دڵت

بگه‌رِێوه‌ بۆ كاتى چاخى به‌ردین

ئه‌گه‌ر هاتوو ویستت دڵم رِازى بكه‌ى

خۆت رِابهێنه‌ له‌سه‌ر خه‌مى ژین

ئه‌گه‌ر ویست تاهه‌تایىَ رِه‌ش بپۆشى

خۆت خزێنى نێو ژیانم كه‌

ئه‌گه‌ر ده‌ته‌وىَ برِۆى به‌پێچه‌وانه‌ى خۆشى

وه‌ره‌ و ده‌ست له‌ملانم كه‌

ئه‌گه‌ر ویستت ده‌شتى دڵت بىَ باران و

چاوت وێنه‌ى كارێزبىَ , وه‌ره‌ ببه‌ به‌خێزانم

وه‌ره‌ تۆش وه‌ك و من هه‌ناسه‌ بده‌و فرمێسك برِێژه‌

هاوشێوه‌ به‌ له‌گه‌ڵ چاوه‌كانم

ژیانى من بىَ خه‌نده‌یه‌و رِوخسارم نامۆیه‌

به‌رِووخسارم دیاره‌ كه‌ غه‌مبارم

بۆیه‌ ئه‌و ژیانه‌ى تۆ ئه‌ته‌وىَ له‌لاى من بوونى نیه‌و

له‌ئاستت زۆر شه‌رمه‌زارم