( له‌داخى بێده‌نگیت )

پیربووم له‌داخى ئه‌م هه‌موو بێده‌نگیه‌ت
هه‌رچه‌نده‌ به‌شێوه‌و سیما لاوم
هێنده‌ ئازارت پێگه‌یاندووم به‌م بێده‌نگییه‌ت
ژیان كاڵ بۆته‌وه‌ له‌به‌ر چاوم

ئه‌وه‌ى رِۆژىَ بۆ یانه‌ى دڵ به‌كه‌سه‌ره‌كان هاتبىَ و
پێكێكى هه‌لدابىَ , به‌چاوى ئه‌و بینراوم
هه‌موو هه‌ست به‌كزى و ماته‌میه‌كه‌ى من ده‌كه‌ن
چونكه‌ هه‌ر دیاره‌ به‌رِه‌نگ و ده‌م و چاوم

له‌و كاته‌ى تۆم ناسیوه‌و دڵت بردووم
له‌بازنه‌ى كه‌یف و سه‌ما نه‌ماوه‌ ده‌ور و باوم
هێنده‌ نه‌ماوه‌ كۆتایى به‌هیواى گه‌یشتن به‌تۆ بێت
ئێستا ده‌ست پێوه‌گرى ته‌نها یه‌ك داوم

هاكا رِۆژىَ پسا و ده‌ستم نه‌گه‌یشت به‌ده‌ستت
ئه‌بىَ له‌كێڵێك بخوێنیته‌وه‌ ناوم
ئه‌وكاتیش چى بۆمن خۆشحاڵى و نه‌مردن و ژیانه‌
كه‌ له‌دونیادا نه‌ماوم

ئه‌گه‌ر ئێستا هه‌موو مه‌حاڵه‌كان نه‌كه‌یته‌ رِاستى و
له‌لاى قازى ناوت نه‌بینرىَ له‌ته‌ك ناوم
ئه‌وكات به‌من چى كه‌ له‌گۆرِوم ,
ئه‌گه‌ر ئێستا ده‌ستێكت نه‌بێته‌ سه‌رینى قژى خاوم !

بۆ رزگارم ناكه‌ى له‌م هه‌موو ئازاره‌
خۆمن له‌به‌ر تۆ به‌ده‌ستى خه‌م له‌خۆشى ده‌ركراوم
له‌وه‌ته‌ى تۆم ناسیوه‌ به‌ده‌ستى مه‌حاڵه‌كانیش
به‌ره‌و بیابانى ووشك و خاڵى له‌تۆ رِاونراوم

سه‌رباریش گله‌یت لىَ ناكه‌م بۆ ئه‌م هه‌موو بێده‌نگیه‌ت
چونكه‌ من بىَ له‌تۆش هه‌روا ژیاوم
ته‌نانه‌ت پاش ناسینى تۆش هه‌ر سه‌رهه‌نگى جارانم و
ئێستاش هه‌ر ئۆخه‌ له‌خۆ نه‌كراوم ...